İstintaq qurupunun rəhbəri açıqlama yayıb
Hafiz Heydərov – APA. 2 aprel aksiyası ilə bağlı məlum 4 nəfərdən əlavə heç kimə ittiham irəli sürülməyib.
Bu barədə APA-ya açıqlamasında Bakı şəhər prokurorunun müavini, aprelin 2-də İctimai Palatanın keçirdiyi razılaşdırılmamış etiraz aksiyanda baş verənlərlə bağlı yaradılmış istintaq qrupunun rəhbəri Fazil Həsənəliyev məlumat verib.
F. Həsənəliyev aprelin 2-də baş vermiş hadisələrlə bağlı digər şəxslərə qarşı da cinayət işinin başlanması barədə yayılan məlumatların həqiqətə uyğun olmadığını qeyd edib: “Məlum hadisələrlə bağlı dörd nəfərə qarşı ittiham irəli sürülüb. Hələlik başqa şəxslərin məsuliyyətə cəlb edilməsi barədə məlumat yoxdur”.
Qeyd edək ki, bu gün sosial şəbəkələrdə 2 aprel aksiyası ilə bağlı AXCP Rəyasət Heyətinin üzvü Eldar Hüseynovun cinayət məsuliyyətinə cəlb edilməsi barədə məlumatlar yayılıb.
Xatırladaq ki, aprelin 2-də baş vermiş hadisələrlə bağlı fakta görə Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) və 315-ci (hakimiyyət nümayəndəsinə qarşı müqavimət göstərmə və ya zor tətbiq etmə) maddələri ilə cinayət işi başlanıb. Hadisələrlə bağlı 4 nəfər şübhəli şəxs qismində məsuliyyətə cəlb olunub. Bunlar Müsavat Partiyası sədrinin müavini Arif Hacılı, partiyanın Gənclər Təşkilatının sədri Tural Abbaslı, AXCP sədrinin müavini Fuad Qəhrəmanlı və AXCP üzvü Məmməd Məcidlidir. Saxlanılan şəxslərə qarşı Cinayət Məcəlləsinin 233-cü (ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmə) maddəsi ilə ittiham elan olunub.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
