Ukraynanın şərqində 5 aydır davam edən qarşıdurma separatçıların lehinə irəliləsə də tərəflər Belarusiyanın paytaxtı Minskdə atəşkəs üçün bir araya gəliblər. Simsar.az xarici KİV-ə istinadən məlumat verir ki, razılıq separatçıların strateji əhəmiyyətə malik Mariopol şəhərinə hücuma keçməyə hazırlandıqları bir vaxtda dövrəyə girib. Ekspertlərin fikrincə, Mariopolun ələ keçirilməsi ilə Ukraynanın cənub bölgələri tamamilə itirmiş olduğu deyilirdi.
Görüşdə Kiyev hökumət nümayəndələri və separatçı qüvvələrlə yanaşı, ATƏT nümayəndələri də iştirak edib. Nəhayət, dünən saat 20:00 radələrində atəşkəs haqda razılığa gəlinib. Minskdəki görüşün ardından Ukrayna Prezidenti Petro Poroşenko hərbi qüvvələrinə atəşkəs barədə əmr verdiyini açıqlayıb. Separatçıların liderlərindən olan İqor Plotnitski isə bildirib ki, “Atəşkəs razılaşması Ukraynadan ayrılmaq barədə qərarımızın dəyişilməsi demək deyil”.
Qeyd edək ki, BMT-nin hesablamalarına göstərir ki, Donetsk və Luqanskda baş verən qarşıdurmalar nəticəsində 2 600 nəfər həyatnı itirib. Rəsmi göstəricilərə görə, azı 500 min nəfər evlərini tərk etmək məcburiyyətində qalıb.
Ülviyyə Cövdətqızı