Azərbaycan Respublikası Dövlət Neft Şirkətinin (ARDNŞ) “Azəriqaz” İstehsalat Birliyi çoxmərtəbəli binalara təbii qazın verilməsi istiqamətində fəaliyyətini uğurla davam etdirir.
Birliyin mətbuat xidmətindən Simsar.az-a bildiriblər ki, cari ilin yanvar-avqust aylarında qurum hüquqi və fiziki şəxslərin müraciətlərini araşdıraraq müvafiq sənədləri təqdim edən 116 çoxmərtəbəli binaya təbii qazın verilməsini təmin edib. Təbii qazla təmin olunan bu binalarda ümumilikdə 10 min 779 ailə yaşayır.