Dünən saat 23:00 radələrində Zaqatalada başlayan külək dağıntılara səbəb olub. Güclü külək yol kənarında əkilən ağacları sındırıb. Simsar.az xəbər verir ki, sınmış ağaclar evlərin damını qırıb, bəzi evlərin damı isə küləyin şiddətindən uçub. Sakinlərin sözlərinə görə, küləyin dünən axşamdan bəri törətdiyi maddi fəsad zəlzələnin fəsadlarını üstələyib.
Gecədən bəri işıq, su və təbii qazın verilişi dayandırılıb.
Qeyd edək ki, Ekologiya və Təbii Sərvətlər Nazirliyinin Milli Hidrometeoroloji Xidmətindən verilən məlumata görə, Azərbaycanda küləkli hava sabahda davam edəcək
Ülviyyə Cövdətqızı