Simsar.az xəbər verir ki, ABŞ dövlət katibi Con Kerrinin təşəbbüsü ilə Uelsdə NATO sammiti çərçivəsində Azərbaycan və Ermənistan prezidentlərinin görüşü keçirilib.
Rəsmi məlumatda bildirilir ki, Con Kerri Dağlıq Qarabağ münaqişənin sülh yolu ilə nizamlanmasının alternativi olmadığını deyib və gərginliyin azaldılmasının zəruriliyini qeyd edib. Eyni zamanda danışıqların ATƏT-in Minsk qrupu çərçivəsində davam etdirilməsini məqsədə uyğun hesab edib.
“Əfqanıstanda NATO missiyasında iştirak edən ölkələrin başçılarının görüşündə Serj Sarkisyan NATO-nu lobbiçilik etdiyi Türkiyəyə görə qınayıb. Qarabağ problemi onunla peşəkarcasına məşğul olan ATƏT-in Minsk qrupuna həvalə edilməlidir. Bu məsələyə qonşu ölkənin digər qonşusu qarışsa sizi əmin edirəm ki, bu heç bir yaxşı nəticəyə gətirib çıxarmayacaq. Ya sağlam düşüncə üstün gələcək, ya da düşmənçiliyin dərinləşməsi baş verəcək. Hərbi ritorika və bütün gələcək təxribatlar davam edəcək”.
Hüseyn İbadlı