Amerikanın məşhur yumor ustası və televiziya aparıcısı Coan Rivers 81 yaşında həyata vida edib.
Simsar.az xəbər verir ki, bu haqda aktrisanın qızı Melisa Rivers məlumat verib. O bildirib ki, keçən həftədən bəri Mount Sinai xəstəxanasında müalicə alan anası dünyasını dəyişib.
Melisa Rivers insanları güldürməyin anasını çox xoşbəxt etdiyini qeyd edərək: “Son arzusu bizim ən qısa zamanda yenidən gülə bilməyimiz idi” deyib.
Rusiyadan Nyu Yorka köçən Yəhudi bir ailənin övladı olan Coan Rivers 1933- cü ildə Bruklində dünyaya gəlib. 1950- ci illərdə səhnə həyatına başlayıb və ABŞ televiziyalarında bir çox uğurlu verilişlərə imza atıb.
Rivers, öz dövrün ən uğurlu qadın yumor ustaları arasında idi.
Günel