ABŞ-ın dövlət katibi Con Kerrinin təşbbüsü ilə Azərbaycan prezidenti İlham Əliyev və Ermənistan prezidenti Serj Sarkisyan Nyuport şəhərində görüşüblər.
Simsar.az-ın Rusiya KİV-nə istinadla verdiyi məlumata görə, görüş Amerika tərəfinin təşəbbüsü ilə baş tutub. Görüşdə Dağlıq Qarabağ münaqişəsinin nizama salmasının indiki mərhələsi, perspektivləri və digər maraq doğuran suallar müzakirə edilib. Eyni zamanda tərəflər öz mövqelərini təqdim ediblər.
Kerri yenidən vurğulayıb ki, Qarabağ münaqişəsinin sülh yolu ilə həllinin alternativi yoxdur. O, tərəfləri etimad tədbirlərinin möhkəmləndirilməsinə və gərginliyin azaldılması mexanizmlərini tapmağa çağırıb.
Con Kerri danışıqların ATƏT-in Minsk qrupu çərçivəsində davam etdirilməsinin vacibliyini və həlli yollarının axtarışını dəstəkləməyə hazır olduğunu bildirib. ABŞ dövlət katibi eyni zamanda vurğulayıb ki, münaqişənin sülh yolu ilə həlli üçün tərəflərin siyasi iradəsi olduqca vacibdir.
Hüseyn İbadlı