İsrailin Fələstinə etdiyi hücumlardan geriyə xaraba qalmış Qəzza qalıb. Simsar.az xarici KİV-ə istinadən məlumat verir ki, Fələstin İqtisadi İnkişaf Nazirliyinin nümayəndəsi Naci Sərxanın sözlərinə görə, şəhərin dağıntılardan təmizlənməsi üçün təcili olaraq 30 milyon dollara ehtiyac var.
O bildirib ki, İsrailin Fələstinə 2008 və 2012-ci illərdəki hücumundan sonra da şəhər dağıdılmışdı. Ancaq Qəzza hələ bu qədər xaraba olmamışdı.
Sərxanın sözlərinə görə, şəhərdə 3 milyon tona yaxın tullantı var. “Bölgənin bu qədər tullantıdan təkcə təmizlənməsi üçün 1 il vaxt lazımdır. Təqdim edilən təkliflər arasında həmin dağıntı qalıqları ilə Qəzza limanının genişləndirilməsi və ya sahil zolağında dalğanın qarşısını alan sədd tikilməsi kimi fikirlər yer alır”.
Əzhər Universitetinin professoru Muin Rəcəb yenidənqurma üçün xeyli sayda canlı qüvvəyə ehtiyac olduğundan bu da öz növbəsində yeni iş imkanlarını özü ilə gətirmiş olur. Lakin qalıqlardan inşaat məhsulu kimi istifadəsində mühəndislik qanunlarına riayət edilməlidir. Və bölgəyə gərəkli ləvazimatların daxil olmasına şərait yaradılmalıdır”.
Digər tərəfdən isə Gəzza zolağında bir çox fələstinli evsiz qalıb. Şucaiyyə, Huzza məhəllələri ilə Rifah şəhərinin şərqindəki bəzi bölgələrin demək olar hamısı xaraba qalıb. Onları isə bir sual maraqlandırır: “Bu ərazilər nə vaxt yenidən abad olacaq?”
Qeyd edək ki, 51 gün davam edən İsrail hücumları nəticəsində 17 200 bina yerlə yeksan edilib, 41 350 binaya maddi ziyan dəyib.
Ülviyyə Cövdətqızı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
