İran polisinin verdiyi açıqlamaya görə, İran qadınlarının çayxanalarda, kafelərdə, restoranlarda və bu tipli yerlərdə işləməsi qadağan edilib.
Polis rəisi Hilali, “Qadınların kafelərdə, çayxanalarda işləməsi qadağandır. Eyni zamanda qadınlar “kofe şop”larda da işləyə bilməzlər” açıqlamasını verib.
Qadın sahibkar ola bilər, amma obyektə girə bilməz
Qadınlara kafe, çayxana açmanın qadağan olmadığını bildirən polis rəisi, onların sahibi olduqları məkana gedib-gələ bilməyəcəklərini, həmin məkanda işləyə bilməyəcəklərini deyib.
Sahibkarın işlətdiyi məkana gəlmədən oranı necə işlədə biləcəyi sualına isə, Hilali, qadın sahibkar məkanı işlətmək üçün özünə kişi köməkçi götürsün, cavabı verib
Qadınlar ancaq mətbəxdə işləyə bilər
Polis rəisi, milli İran yeməkləri təklif edən restoranlarda isə qadınların ancaq mətbəxdə işləyə biləcəklərini bildirib. Hilali, “Milli restoranlar ailələrə xidmət etdiklərindən burda işləməyin təhlükəsi yoxdur. Lakin qadınlar yalnız mətbəxdə işləyə bilərlər, salonda yox” deyib.
Vüsal Qarayev