Ukrayna Baş Naziri Arseniy Yatsenyuk, Rusiyanı “terrorist dövlət” adlandırıb.
Bir milyon insanın yerindən-yurdundan olduğu, mindən çox insanın öldüyü döyüşlərin bitməsi ümidi artdığı bir zamanda, Ukrayna Baş Naziri Arseniy Yatsenyuk, Rusiyaya qarşı qəzəb dolu açıqlamalar verib.
Kievdə televiziya ilə canlı yayımlanan kabinet toplantısında Yatsenyuk, Rusiyanı “terrorist dövlət” adlandırıb. Ukraynanın NATO-ya qoşulma istəyini bir daha dilə gətirən qərb meyilli nazir, Ukraynanın, Rusiya ilə sərhəddi “gerçək bir dövlət sərhəddinə” çevirəcək layihə başlatdığını bildirib. Yatsenyuk layihənin nə olduğu haqqında məlumat verməsə də, bəzi mənbələr sərhəddə divar hörüləcəyi ehtimalının olduğunu deyiblər..
Vüsal Qarayev