“Sentyabrın 1-dən Milli Televiziya və Radio Şurası (MTRŞ) teleradio yayımçılarının ədəbi dil normalarına nə dərəcədə riayət etmələri ilə bağlı Milli Elmlər Akademiyası Nəsimi adına Dilçilik İnstitutu ilə birgə monitorinqlərə başlayıb".
Bu məlumatı Aktual.az-a Milli Tеlеviziyа və Rаdiо Şurаsı aparatının rəhbəri Toğrul Məmmədov verib.
Toğrul Məmmədov bildirib ki, monitorinqin nəticələri oktyabr ayının sonuna qədər açıqlanacaq:
"Nəticələrlə bağlı tövsiyələrimizi hazırlayıb, telekanal rəhbərlərinə məlumat verəcəyik. Əlbəttə ki, hər hansı bir çatışmazlıq olarsa, növbəti lisenziya vaxtı bu qüsurlar nəzərə alınacaq".