“Türkiyənin yeni hökuməti, Azərbaycanla Türkiyə arasında mükəmməl münasibətlərin təminatıdır”
“İstər Prezident Rəcəb tayyib Ərdoğanın baş nazirlik dövründə, İstər baş nazir Əhməd Davutoğlunun Xarici İşlər Nazirliyi dövründə, istər hazırda Xarici İşlər Nazirliyinə gətirilən Mövlud Çavuşoğlu və ümumiyyətlə, bütün kabinet hamısı Azərbaycanı ürəkdən sevən insanlardır”. Bu sözləri Simsar.az-a Türkiyənin Azərbaycandakı səfiri İsmayıl Alpər deyib.
Gələcəyimizə inancım tamdır
Səfir bildirib ki, Türkiyənin yeni hökumətinin üzvləri, Türkiyə və Azərbaycanın gələcəyinə eyni pəncərədən baxan dövlət liderləridir: “Dolayısıyla Türkiyəylə Azərbaycan münasibətləri baxımından, onsuz da mövcud olan mükəmməl qarşılıqlı münasibətlərin, bu yeni dəyişikliklə birlikdə daha da güclü bir şəkildə gələcəyə doğru irəliləyişinə olan inancım tamdır”.
Ərdoğanın Azərbaycana səfəri təsadüfi deyil
Səfir, Rəcəb tayyib Ərdoğanın gələn həftə bir neçə nazirlə birlikdə Azərbaycana səfərinin təsadüfi olmadığını diqqət çəkərək qeyd edib ki, bu addım Azərbaycanla Türkiyə münasibətlərinin yeni dönəmdə də hansı şəkildə cərəyan edəcəyinin ən gözəl sübutudur: “Bunu rahatlıqla söyləyə bilərəm, biz bu ana qədər əl-ələ yeriyərək irəliləyirdiksə, bu yeni dövrdən sonra qaçaraq eyni hədəfə doğru, inkişafımızı davam etdirməyə, xalqımızın rifahını yüksəltməyə, ölkəmizi, vətənimizi ən güclü şəkildə qorumağa Azərbaycanla birlikdə davam edəcəyik. Türkiyə və Azərbaycanın bu dostluğunun, qardaşlığının qiymətini hər kəs bilməlidir. Bizə düşmən kimi davrananlar bundan xeyir tapmayacaqlarını anlamalıdırlar”.
Azərbaycan və Türkiyə Ermənistana tarixi faktlarla cavab verir
Ermənistanın Xarici İşlər Nazirinin Rəcəb tayyib Ərdoğanın saxta “soyqrım”la bağlı Ermənistana dəvət etməsi məsələsinə də toxunan səfir, bunun siyasi manipuliyasiya olduğunu vəTürkiyənin bu məsələləri tarxiçilərlə birlikdə oturub müzakirə etməyə hazır olduğunu deyib. Səfir bildirib ki, istər Azərbaycan, istər Türkiyə regiondakı belə məsələlərə Ermənistan kimi əsassız iddialarla deyil, tarixi faktlarla yanaşır.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
