“Prezidentlərin verdikləri açıqlamalar və Minsk görüşü bitər-bitməz həm Kiyevdən, həm də Rusiyadan cəbhə bölgəsinə əlavə qüvvələrin yeridilməsi göstərir ki, tərəflər arasında bir-birinə qarşı nə səmimiyyət, nə də etimad var”.
Bunu Simsar.az-a Milli Məclisin deputatı, politoloq Sahib Alıyev Minskdə Rusya və Ukrayna prezidentləri arasında aparılan danışıqların nəticəsi şərh edərkən deyib.
“Anlaşma o zaman mümkündür ki, onlardan biri digəri üzərində tam üstünlük əldə etsin. Hələlik bu görünmür.Mövqe döyüşləri gedir, üstünlük gah Ukraynanın güc strukturlarının, gah da rusiyalıların tərəfində olur."- politoloq belə deyib.
Rusların Ukraynada gedən savaşı vətəndaş savaşı, ukraynalıların isə vətən savaşı adlandırmasının maraqlı olduğunu deyən ekspert bildirib ki, əslində Ukraynada geosiyasi savaş gedir: “Savaşın necə nəticələnməsindən asılı olmayaraq bu, savaşa qoşulan hər iki tərəf, uduzmuş tərəflərdir. Udan isə iki slavyan xalqını bir-birinin üstünə qaldıranlardır”.
Hüseyn İbadlı
Siyasət Şöbəsi