İranlı rejissor Mohsen Moseninasab. Türkiyə və Kiprdə çəkəcəyi yeni filmi üçün iki Türk aktyoruna təklif göndərməyə hazırlaşır.
Simsar.az Türkiyə mətbuatına istinadən xəbər verir ki, “Kuzey Güney” serialında Kuzey obrazı ilə İranda böyük tamaşaçı sevgisi qazanan Kıvanç Tatlıtuğ və “Lale Devri” serialının ulduzu Tolqaxan Sayışmanın “Free of Charge” adlı filmində oynamasını istəyən rejissor, artıq ssenariləri hər iki aktyorun menecerlərinə göndərdiyi və ilk görüşlərə başladıqlarını bildirib.
Film bir qrup uşağın Suriya və İraq arasında davam edən döyüşlər səbəbindən İraq sərhəddindən iltica etməyə çalışmasından və qısa müddətdən sonra Türkiyədə insan qaçaqçılığının qurbanına çevirilməsindən bəhs edir.
Rejissor bildirib ki, hadisələr Türkiyə, Kipr və Belçika olmaqla üç ölkədə baş verir. Ancaq Belçikaya viza almağın çətin olduğu və çox xərc apardığı üçün bütün çəkilişləri Türkiyə və Kiprdə aparılmasını planlaşdırır.
Filmin həm də prodüsseri olan Mohesninasab, filmdə İranlı aktyorların iştirak etməyəcəyini və çəkilişlərin Türkiyə və bəzi Ərəb ölkələrində həyata keçiriləcəyini deyib.
Günel