Finlandiyada yaşayan həmvətənimiz, konservatoriyanın skripka sinfi üzrə professoru Cahangir Ələkbərov 20 ildən çoxdur ki, Skripkaçılar Ansamblına rəhbərlik edir. Simsar.az xəbər verir ki, bu, Kokkola şəhəri Konservatoriyasının nəzdində yaradılmış ilk ansambllardan biridir.
Konservatoriyanın rəhbərliyi ansamblın fəaliyyətinin başa çatması ilə əlaqədar “Skripkaçılar ansamblının konserti” diskini buraxıb. Diskdə bu yaradıcı kollektivin ifasında dünya klassik musiqisi, habelə Azərbaycan bəstəkarlarının əsərləri səsləndirilir. Konsert tanınmış Azərbaycan bəstəkarı Rauf Hacıyevin əsəri ilə başlanır. Diskə Qara Qarayevin “İldırımlı yollarla” baletindən parçalar, “Yeddi gözəl” baletindən vals, habelə Tofiq Quliyevin, Cahangir Cahangirovun əsərləri, fin bəstəkarlarının R.Hacıyev tərəfindən aranjiman edilmiş əsərləri daxildir. Diskin üz qabığında musiqi mədəniyyətinin inkişafına və pedaqoji fəaliyyətə köməyinə görə Cahangir Ələkbərova minnətdarlıq sözləri yazılıb.
Cahangir Ələkbərov Finlandiyada onun apardığı işin məqsədlərindən biri Azərbaycanın zəngin mədəniyyətini təbliğ etməkdir. Hazırda C.Ələkbərov yeni skripkaçılar ansamblı yaradır. Bu ansamblın tərkibinə Kokkola şəhəri Konservatoriyasının istedadlı tələbələri daxil olacaqdır. C.Ələkbərov deyib: “Yeni ansambl yaratmaqla mən Azərbaycan musiqisinin ecazkar koloritini, melodikliyini, rəngarəng səs çalarlarını Finlandiyanın yeni nəslinə çatdırmaq imkanı əldə edirəm. Şən, temperamentli, dərin mənalı lirik Azərbaycan ritmləri fin dinləyicisinə xoş gəlir”.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
