Simsar.az xəbər verir ki, Səhiyyə Nazirliyi millət vəkilinin xahişi ilə qaraciyər serrozundan əziyyət çəkən 26 yaşlı Mingəçevir şəhər sakini Pərviz Eyvaz oğlu Quliyevin müalicəsini üzərinə götürüb. Bu barədə YAP-çı deputat millət vəkili Aydın Mirzəzadə facebook səhifəsində yazıb. Deputat bildirib ki, “Mingəçevir şəhər sakini Pərviz Eyvaz oğlu Quliyevin mətbuatda ağır formada qara ciyərin serrozu xəstəliyindən əziyyət çəkdiyi və təcili bahalı cərrahi əməliyyata ehtiyacı olduğu haqqında məlumat yayılmışdı. Məsələ ilə bağlı Səhiyyə Nazirliyinə müraciət etdim və məsələyə səlahiyyət daxilində kömək göstərilməsini xahiş etdim.
Bu gün mənə nazirlikdən məlumat verildi ki, müraciətə baxılıb və xəstənin təsərrüfat hesablı klinikaların birində cərrahi əməliyyatına 50 faiz güzəşt edilməsi barədə qərar qəbul edilib.
Məsələ ilə bağlı xəstənin atası Eyvaz Quliyevə zəng edərək məlumat verdim. Valideyn təşəkkür edərək bu gün müvafiq hazırlığa başlayacağını bildirdi”.
Aysel Kərimova