Böyük Britaniya Ədliyyə Nazirliyi məxfi məlumatların mühafizəsini təmin edə bilmədiyinə görə, 180 min funt-sterlinq məbləğində cərimə ödəyəcək.
Simsar.az xəbər verir ki, cərimənin tətbiqi Uiltşir şəhərində yerləşən “Erlestoke” həbsxanasının 3 min məhbusu haqqında informasiyanın olduğu sərt diskin itirilməsi ilə əlaqədardır.
Bildirilir ki, diskdə saxlanılan məlumatlar şifrlənməyib. Bundan əlavə, daşıyıcıda mütəşəkkil cinayətkarlıq, məhbusların qurbanları və onlara baş çəkənlər, eləcə də onların sağlamlığı və dərmanların düzgün istifadə edilməməsi haqqında materiallar olub.
Qeyd edək ki, 2011-ci ildə oxşar insident baş verib. O zaman 16 min cinayətkar haqqında məlumatın olduğu disk cinayətkarların əlinə keçib. Baş verən hadisədən sonra Böyük Britaniya Ədliyyə Nazirliyi informasiyanı şifrləyərək saxlayan ehtiyat surətçıxarma üçün xüsusi sərt diskli yeni sistem təqdim edib. Lakin nazirlik mütəxəssisləri şifrləmə funksiyasının əllə işə salınması barədə məlumat verməyi unudublar.
Nəticədə bu səhvə görə, cinayətkarlar mühafizə olunmayan informasiyanı oğurlaya biliblər.
“ICO”-nun İcra Xidmətinin rəhbəri Stiv Ekkerslinin sözlərinə görə, cərimənin əsas məqsədi, təşkilatlara informasiyanın mühafizəsi üçün avadanlıqlara malik olmaqla yanaşı, ondan istifadə etməyi də bacarmalı olduqlarını anlatmaqdır.
Vüsal Qarayev
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
