Azərbaycanın Almaniyada turizm nümayəndəliyi olan "Aviareps Tourism GmbH" şirkətinin Mədəniyyət və Turizm Nazirliyi ilə əməkdaşlığı çərçivəsində Azərbaycana turistlərin cəlb olunması üçün Almaniyanın aparıcı turizm şirkətləri ilə ölkəmizdə fəaliyyət göstərən turizm şirkətləri arasında əməkdaşlığın genişləndirilməsi və turizm imkanlarının tanıdılması məqsədilə cari ilin 24 - 31 avqust tarixlərində Almaniyanın aparıcı turizm şirkətlərinin nümayəndələri ölkəmizdə tanışlıq səfərindədirlər.
Simsar.az xəbər verir ki, səfər çərçivəsində JW Marriott Absheron Baku mehmanxanasında Almaniyanın aparıcı turizm şirkətləri ilə Azərbaycanın turizm şirkətləri və mehmanxanaları arasında işçi görüşü (workshop) keçirilib. Görüşdə "Geo-travel", "İmprotex travel", "ENC tours", "SW travel", "Regeatravel", "Proxy travel", "Victorytour" turizm şirkətləri və "JW Marriott Absheron Baku", "Austin", "Central Park", "Park İNN" mehmanxanaları iştirak edib.
Görüş çərçivəsində qarşılıqlı turist mübadiləsinə dair danışıqlar aparılb və gələcək əməkdaşlıq perspektivləri müzakirə olunub.
Həmçinin hər iki ölkə arasında turizm əlaqələrinin genişləndirilməsi və Azərbaycanın turizm potensialının tanıdılması çərçivəsində cari ilin 03 - 07 sentyabr tarixlərində Almaniyanın MİCE (işgüzar) turizm nümayəndələrinin və 25 - 30 sentyabr tarixlərində tanınmış KİV nümayəndələrinin ölkəmizə səfəri nəzərdə tutulub.
Günel