Azərbaycan Fotoqraflar Birliyi (AFB) artıq ənənəvi olaraq hər ay “açıq qapı” günü toplantısı keçirir.
Simsar.az xəbər verir ki, bu dəfəki toplantı avqustun 30-da Xətai İncəsənət Mərkəzində təşkil olunacaq.
Toplantıda bir çox tanınmış fotoqraflar, o cümlədən, “Say Cheese!” layihəsində iştirak edən AFB-nin idarə heyətinin üzvü Rauf Umudov layihə haqqında yeni məlumatlar verəcək. Həmçinin, fotoqraf Vüqar İbadovun “Müasir Azərbaycan ordusu” haqqında reportajının təqdimatı olacaq.
Tədbirdə “Ölkəm Şərq Əməkdaşlığında” fotomüsabiqəsindən sonra yay mövsümü üçün elan olunmuş iki yeni mövzusunun - “Miras” və “Zəriflik” müsabiqəsinin də qalibləri elan olunacaq. Müsabiqələrin ideyası Rauf Umudova məxsusdur.
Toplantıda AFB-nin yeni təşkilati komandasının da təqdim olunması nəzərdə tutulub.
Günel