Azərbaycanın fövqəladə hallar naziri, general-polkovnik Kəmaləddin Heydərov tərəfindən avqustun 28-də saat 11:00-da Şirvan şəhərində vətəndaşları qəbul edəcək.
Simsar.az Fövqəladə Hallar Nazirliyinin saytına istinadən xəbər verir ki, qəbulda yalnız Şirvan, Salyan, Neftçala və Biləsuvar rayonlarının sakinləri, habelə həmin rayonlarda məskunlaşmış məcburi köçkünlər iştirak edə bilərlər.
Qəbulda yalnız FHN-in fəaliyyəti ilə bağlı müraciətlərə baxılacaq.
Qəbulda iştirak etmək istəyən vətəndaşların qeydiyyatı Bəhruz Aslanov adına 16 nömrəli tam orta məktəbin binasında (ünvan: Şirvan şəhəri, Tofiq İsmayılov küçəsi, 15) 27 avqust 2014-cü il tarixində saat 09:00-dan başlayacaq.
Qəbula gələn vətəndaşlar şəxsiyyəti təsdiq edən sənəd təqdim etməlidirlər.