Simsar.az xəbər verir ki, Livanın təhlükəsizlik qaynaqlarından əldə edilən məlumata görə, axşam saatlarında kimliyi bilinməyən şəxslər tərəfindən Livanın cənubundakı əl-Cermak bölgəsindən İsrailə bir mərmi atılıb. Buna qarşılıq olaraq İsrail topçuları sözü gedən bölgəyə 40-dan çox top mərmisi yağdırıb. İsrail ordu radiosu isə Livandan 2 mərmi atıldığını, bunun cavabında mərmilərin atıldığı nöqtələrə 20 top mərmisi ilə hücum etdiklərini açıqlayıb.
İsrail dövlət radiosu da Livan sərhəddində yerləşən Kiryat Şmona bölgəsində həyəcan təbilinin çalındığını diqqətə çatdırıb. Hücum zamanı ölən və yaralananların olub-olmadığıda dair İsrail və Livan nümayəndələri tərəfindən hələlik bir açıqlama verilməyib.
Vüsal Qarayev