Oktyabrın 2-dən 5-dək Moskvada X Beynəlxalq Kukla Salonu təşkil ediləcək.Simsar.az tədbirin rəsmi saytına istinadla xəbər verir ki, ziyarətçilər bu ilki yubiley salonunda kukla “ulduzları, çarları və prezidentləri” görə biləcəklər.
Ekspozisiyaya dirçəldilmiş və müasir şarnir kuklalar, 3D printerində hazırlanmış kuklalar, XIX əsrin texnologiyasından istifadə etməklə gümüş üzərində fotolayihə, Çarskoye Selodan gətirilmiş II Nikolayın uşaqlarına aid yolka bəzəkləri və digər oyuncaqlar kimi eksponatlar daxildir.
Tədbirdə daha vacib məqam isə tanınmış adamların kukla hazırladıqları “Uşaqlara – kukla paradı” xeyriyyə layihəsidir. Məqsəd əldə edilən pulu bahalı müalicəyə ehtiyacı olan uşaqlara yardım etməkdir.
Salonun direktoru Svetlana Pçelnikovanın sözlərinə görə, yubiley salonunun ekspozisiyası elə hazırlanacaq ki, ziyarətçilər özlərini muzeydəki kimi hiss edəcəklər.
Xatırladaq ki, Svetlana Pçelnikova 2013-cü il noyabrın 8-də Bakıda Muzey mərkəzində kukla art sənəti üzrə ustad dərsi keçib.
Günel