Bu gün saat 10:00 olan məlumata görə, ali məktəblərə qəbul olan 33690 nəfərdən 32107-si qeydiyyatdan keçib. Bu barədə Tələbə Qəbulu üzrə Dövlət Komissiyası məlumat yayıb.
21 avqust saat 10:00 olan məlumata görə isə 9 illikdən kolleclərin boş qalan yerlərə qəbul olan 1385 nəfərdən 1029 nəfəri qeydiyyatdan keçib.
Qeyd edək ki, ali təhsil müəssisələrinə əsas yerləşdirmə zamanı qəbul olan abituriyentlərin qəbul olduqları təhsil müəssisələrində qeydiyyatı sabah başa çatır.
Qeydiyyat prosesi avqustun 8-də başlayıb. Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilmədən imtina etməsi kimi qiymətləndiriləcək və onun qəbul haqqında əmri ali məktəbə göndərilməyəcək.
Aysel Kərimova