Avqustun 21-dən sentyabrın 7-dək Bakıda “Dünya sübhdən günbatanadək” layihəsi çərçivəsində “Bakı sübhdən günbatanadək” layihəsi keçiriləcək.
“Azanfilm” studiyasından AzərTAc-a bildirilib ki, “Dünya sübhdən günbatanadək” Miroslav Dembinski və Maçyej Driqas tərəfindən yaradılmış orijinal layihədir. Layihə dünyanın müxtəlif şəhərlərindəki kino məktəblərinin tələbələrinə və gənc rejissorlara silsilə seminarların keçirilməsinə əsaslanıb. Bir neçə həftəlik kurs müddətində tələbələr müəllimlərin nəzarəti altında qısametrajlı sənədli filmlər kolleksiyası üzərində birgə çalışırlar. Nəticədə şəhərin canlı təsviri kimi 60 dəqiqəlik sənədli film istehsal olunur.
Layihə hər şəhərdə dörd mərhələdə yerinə yetirilir.
Layihə bu günə qədər 9 şəhərdə - Minks, Kiyev, Moskva, Pekin, Tokio, Tbilisi, Yerevan, Kişinyov və Bıdqoşda həyata keçirilib. 2014-cü ildə Hindistan, Türkiyə və Azərbaycanda keçirilməsi nəzərdə tutulur.
İkinci Bakı Beynəlxalq turizm filmləri festivalı çərçivəsində “Bakı sübhdən günbatanadək” layihəsinin təqdimatı olub. Layihənin ilk master klassı da həmin vaxtda keçirilib.
Avqustun 21-dən sentyabrın 7-dək 20-yə yaxın gənc rejissor master klasslarda iştirak edəcəklər. Təlimlərdə iştirak etmək üçün Polşadan 8 nəfərlik müəllim heyəti Bakıya gəlib.
Layihənin tərəfdaşları Polşanın Adam Mikiyeviç İnstitutu, Polşa Kino İnstitutu, TVP 2 Polşa Milli Televiziyası, Belsat kanalı və Polşa Xarici İşlər Nazirliyidir. Layihənin Azərbaycandakı tərəfdaşı Mədəniyyət və Turizm Nazirliyi və “Azanfilm” studiyasıdır.
AzərTAc
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
