Bu ilin iyul ayında sənaye məhsullarının istehsalçı qiymətləri əvvəlki ayla müqayisədə 3,9 faiz ucuzlaşıb.
Dövlət Statistika Komitəsindən Simsar.az-a verilən məlumatda bildirilib ki, ay ərzində Kompyuter, elektron və optik məhsulların istehsalı üzrə 25,3 faiz, toxuculuq sənayesi üzrə 7,1 faiz, maşın və avadanlıqların quraşdırılması və təmiri üzrə 5,3 faiz, geyim istehsalı üzrə 3,6 faiz, kimya sənayesi üzrə 2,5 faiz, elektrik avadanlıqlarının istehsalı üzrə 1,4 faiz ucuzlaşma qeydə alınıb.
Daş, qum, çınqıl, duz və digər mədənçıxarma sənayesi məhsullarının hasilatı üzrə istehsalçı qiymətləri isə 0,4 faiz bahalaşıb.
Əczaçılıq məhsullarının, hazır metal məmulatlarının istehsalçı qiymətləri də müvafiq olaraq 0,3 və 0,1 faiz artıb.
Vüsal Qarayev