“Bakı Ağ Şəhər” layihəsi çərçivəsində salınan Park rayonunda 20 mərtəbəli binalar tikiləcək.
Simsar. az xəbər verir ki, ümumi sahəsi 24 hektar olan Park rayonu üçün, müasir üslublu arxitektura konsepsiyası Böyük Britaniyanın tanınmış “ATKİNS” şirkəti tərəfindən, yerli mütəxəssislərlə birgə layihələndirilib. Tikinti işləri 677 min 860 kvadratmetr sahədə aparılacaq. Bunun 606 min 920 kvadratmetri yaşayış, 70 min 940 kvadratmetri isə ticarət sahəsinin payına düşür. Burada həmçinin 4600 yerlik avtomobil dayanacağının da tikilməsi planlaşdırılır. Ərazidə müasir infrastruktur yaradılacaq, geniş yaşıllıqlar salınacaq.
Layihəyə görə, 9 ballıq zəlzələyə davamlı binaların inşasında yerli və xarici materiallardan istifadə edilir.
Dəniz səviyyəsindən 25 metr yüksəkdə yerləşən bu binalardan Nizami Parkına, Sahilyanı rayona və Bakı Buxtasına gözəl mənzərə açılacaq.
Vüsal Qarayev