Seneqalda 5 nəfərin Ebola epidemiyasına yoluxması xəbərini hazırlayan qəzetin baş redaktoruna 1 il həbs və pul cəzası verilib.
Simsar.az xəbər verir ki, paytaxt Daharda məhkəmə xüsusi “La Tribune” qəzetinin baş redaktoru Felix Nzaleyə 1 il təcili həbs cəzası və 2000 dollar pul cəzası verilməsi haqqında hökm oxuyub.
Nzalenin vəkili həftənin əvvəlindən bu yana həbsdə olan müvəkkilinin günahımı qəbul etdiyini, məhkəmə qərarının “La Tribune” və bir çox yerli qəzetlərdə yayımlanacağını bildirib. Jurnalist Nzale ölkədə 5 Ebola epidemiyasına yoluxma hadisəsinin qeydə alındığını yazdığı üçün bazar günü həbs olunmuşdu.
Ədliyyə Nazirliyinin verdiyi açıqlamada bu xəbərin ölkəni beynəlxalq cəmiyyətlərdən uzaqlaşdırılacağını və xaricilərin Seneqala gəlməsinə mane ola biləcəyini vurğulayıb. Açıqlamda nazirlik bu cür xəbərlərin məsuliyyətlə və etik çərçivədə yayımlanmasının əhəmiyyətinə diqqət çəkib. Daharda və şimal-şərqi Matam şəhərində həftə sonu 2 şübhəliyə rastlanıb. Ancaq həmin şəxslərin test nəticələrinin neqativ çıxdığı bildirilib.
Günel