“Cavad Heyət Azərbaycana azərbaycanlıları tanıtmaqda kömək olub”
Simsar.az xəbər verir ki, bunu bu gün görkəmli alim, doktor Cavad Heyətlə vida mərasimində Diasporla İş üzrə Dövlət Komitəsinin sədri Nazim İbrahimov deyib. O bildirib ki, dünyanın bir çox ölkələrində yaşayan azərbaycanlılar əslən cənubi Azərbaycandan keçmiş soydaşlarımızdır. “Onlar C.Heyəti uzun müddət özlərinə ağsaqqal, müdrik insan seçmişdilər. Onu həm ictimai xadim, həm görkəmli alim, həm də Azərbaycan xalqının nümayəndəsi kimi qəbul ediblər. Ona görə də bu gün baş vermiş bu itki bütün Azərbaycan xalqının kədəri sayılır. Bütün dünya azərbaycanlıları kədər içindədir. Qısa müddət ərzində dünyanın müxtəlif yerlərində yaşayan azərbaycanlılar öz hüznlərini bildiriblər. Mən həm öz ölkəmizdə, həm də xaricdə yaşayan azərbaycanlılara bu kədərli gün münasibətilə başsağlığı verirəm”.
Komitə sədri vurğulayıb ki, C.Heyət Azərbaycanda da böyük nüfuz sahibi idi. Ölkəmizdə də ona böyük hörmət qoyulurdu. “Bu gün onun xatirəsinə olan diqqət həm Azərbaycan Prezidentinin, həm dövlətimizin, həm də xalqımızın göstərdiyi diqqətdir ki, hər kəs onun xatirəsini yad etmək üçün toplaşıb. Hər bir xalqın belə qabaqcıl insanları bu dünyanı tərk edərkən onlar ruhən bu dünyada qalır. Onların ideyaları, xatirələri xalqımızın yaddaşında qalacaq”.
Aysel Kərimova
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
