“Cavad Heyət bütün ömrünü elmə, insanlığa həsr edən fövqəladə insan idi”.
Simsar.az xəbər verir ki, bu fikirləri bu gün Milli Elmlər Akademiyasının Dairəvi zalında doktor Cavad Heyətə həsr olunmuş vida mərasimində onun bacısı oğlu Ağabəy Azərbaycani jurnalistlərə açıqlamasında deyib. A.Azərbaycani bildirdi ki, dayısı dilinə, torpağına həmişə sadiq insan olub. “O, 55 il bundan əvvəl İranda tibb sahəsində öyrəndiklərini təbiq etmək üçün fransada qalmaqdan imtina etmişdi. Mən 60 il bundan qabaq cərrahiyəni ondan öyrənmişəm. İndiyə kimi C.Heyət mənim ustadım olub, və bəzi fikirlərimiz eyni olub. Lakin, mən Avropada və Amerikada yaşamışam. Bizdə demokratiya daha çox olduğundan onun bəzi fikirləri ilə mənim düşüncələrim üst-üstə düşmürdü”.
Cavad Heyətin şərqli insan olaraq o, insanlıq baxımından misli görünməmiş şəxs olduğunu deyən mərhumun bacısı oğlu doktor Cavad Heyətin ilk ürək əməliyyatında özünün də iştirak etdiyini bildirdi.
Aysel Kərimova