Məlumat verdiyimiz kimi Rusiya, Kırıma yardım karvanı yola salıb. Ukrayna hökuməti isə bu maşın karvanının Ukraynaya buraxılmayacağını bildirib. Bu qalmaqallı karvan iki dövlət arasında onsuz da pis olan münasibətləri, daha da korlayıb. Ukraynada üsyançıların əlində olan Donetsk şəhərində artilleriya atışları qızışıb.
Karvan sərhəddə dayanıb
Qeyd edək ki, təxminən 260 yük maşınından ibarət olan karvan, sərhədə doğru irəliləyəndən sonra dayanıb. BBC müxbiri Steve Rosenberg xəbər verirb ki, yük maşınları sərhəddən bir neçə kilometr aralıda dayanıb, hazırda tərpənmir. O, karvanın izi ilə gedir.
Rəsmi Kiyev karvanın beynəlxalq müşahidəçilər tərəfindən yoxlanılmasından sonra ölkəyə buraxıla biləcəyini açıqlayıb. Ukrayna tərəfinin iddialarına görə, Rusiya yardım adıyla separatçılara hərbi ləvazimat göndərir. Rusiya isə bu iddiaları "absurd" adlandırıb.
BMT-nin məlumatına görə, aprel ayında başlayan döyüşlərdə 2098 adam öldürülüb. Ölənlərin yarısı isə son iki həftə ərzində həlak olub.
Vüsal Qarayev