Tailandın paytaxtı Banqokda tikintisi davam edən bir binanın çökməsi nəticəsində ölənlərin sayı 10-na çatıb.
Simsar.az xəbər verir ki, paytaxtın şimalında Pathumthani bölgəsində çökən altı mərtəbəli binanın dağıntıları arasında davam edən axtarış xilasetmə zamanı daha 7 nəfərin meyidi tapılıb. Ölənlər arasında Kambocalı 8 aylıq bir körpənin də tapıldığı, hadisədə 25 nəfərin yaralandığı açıqlanıb. Dağıntılar altında axtarışların davam edəcəyi bildirilib. Dağıntılar altında qalanların əksəriyyətinin öldüyü, ancaq onların sayının dəqiqi nə qədər olduğu barədə məlumat verilməyib.
Hadisə ilə bağlı aralarında tikintini həyata keçirən firmanın rəhbəri də olmaqla 4 nəfər nəzarət altına alınıb. Xatırladaq ki, fəhlələrin əmək haqlarının və mühafizənin yetərsiz olduğu Tailandda 1993- cü ildə də altı mərtəbəli bir otelin çökməsi nəticəsində 137 nəfər ölüb, 2227 nəfər yaralanmışdı
Günel