Rusiya hökuməti Amerika şirkətlərinə neft və təbii qaz ehtiyatları ilə əlaqədar məlumatlar verməyi qadağan etmək niyyətindədir.
Simsar.az xəbər verir ki,“İzvestiya” qəzetinin məlumatında, Rusiya Təhlükəsizlik Şurasının müvafiq komissiyasının iclasında əlaqədar təşkilatlara digər ölkələrə geoloji məlumatların verilməməsi üçün tədbir görmələri tapşırıldığı bildirilib. Qeyd olunub ki, hazırda ölkədə fəaliyyət göstərən ABŞ-ın “Miller & Lents” və “DEGOLYER & MACNAUGHTON” şirkətləri Rusiyanın mədən qaynaqları bazası haqqında məlumatlara malikdir. Komissiya tərəfindən neft və təbii qaz ehtiyatları ilə əlaqədar məlumatları qorumaq üçün mədən ehtiyatlarının fond nəzarəti sahəsində milli sistemin yaradılması təlimatı verilib.
Vüsal Qarayev