İsveçrənin St. Moritz və Çur şəhərləri arasında hərəkət edən sərnişin qatarı torpaq sürüşməsi nəticəsində relsdən çıxıb.
Simsar.az xəbər verir ki, qəzada 5-i ağır olmaqla 7 nəfər yaralanıb, ölən yoxdur. Rhaetian Dmiryolu şirkətinə məxsus olduğu bildirilən qatarın vaqonları, meşə sahəsində relsdən çıxaraq bir neçə metr yüksəklikdəki uçurumdan aşağı yuvarlanıb. İsveçrə polisi qəzanın güclü yağışların yol açdığı torpaq sürüşməsi səbəbindən meydana gəldiyini bildirib. Daha çox turistik məqsədlə istifadə edilən qatarda təxminən 200 sərnişinin olduğu öyrənilib. Qəzada yaralananlar helikopterlər vasitəsi ilə qəza bölgəsindən götürülərək xəstəxanalara çatdırılıb.
Günel