BMT-nin Qaçqınlar Yüksək Komissarlığı kürd güclərinin açdığı təhlükəsizlik dəhlizi və İraq ordusunun hava əməliyyatına baxmayaraq, Sincar dağında əsir qalan Yezidilərin sayının hələ də çox olduğunu açıqlayıb.
BMT-nin azlıqlar mütəxəssisi Rita İzsak bildirib ki, dağdakı əksəriyyəti Yezidi İraqlılar, günlər, saatlar içində böyük bir vəhşiliyə və ya soyqrıma qurban gedəcəklər: “Önümüzdəki günlərdə baş verə biləcək soyqrıma qarşı tədbirlər görməliyik. Sincar dağında təxminən 30 min yezidi var”.
ABŞ Xarici İşlər Naziri Con Kerry, İnsanların dağdan yendirilməsi üçün vəziyyəti tezliklə dəyərləndirəcəklərini deyib.
Vüsal Qarayev