Qırğızıstanın Rusiyadakı səfirliyi Tula vilayətində 3 ay ərzində qul kimi işlədilən 12 qırğızı azad etməyə nail olub.
Bunu “Azadlıq” radiosunun qırğız xidmətinə (“Azattık”) Qırğızıstanın Rusiyadakı səfirliyinin II katibi Ayımkan Kulukeyeva bildirib.
“Həmin 12 qırğız üç ay qul kimi işlədilərək istismar olunub. Onlar Qırğızıstanı mayın 1-də tərk edərək Rusiyaya gəliblər. Dediklərinə görə, onları Rusiyaya Məhəbbət adlı bir qadın göndərib. Qırğızıstan vətəndaşlarını öz əkin sahələrində kartof və kələm yığmağa məcbur edən şəxs isə bir azərbaycanlı iş adamı olub” - deyə A.Kulukeyeva bildirib.
Qırğızıstan səfirliyindən verilən məlumata görə, qula çevrilmiş qırğızlar arasında hamilə qadınlar da olub. Həmin qadınlardan biri müntəzəm olaraq döyülməkdən, ağır işdən və işgəncəyə məruz qalmaqdan uşağını itirib. Xəbərə görə, hazırda həmin qırğızların Rusiyadan ölkələrinə göndərilməsinə hazırlıq gedir. Onları qula çevirən azərbaycanlı sahibkarın adı isə açıqlanmır.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
