Astara rayonunda iki minik avtomobilinin toqquşması nəticəsində ölümlə nəticələnən ağır yol-nəqliyyat qəzası baş verib.
ANS PRESS-in bölgə müxbirinin məlumatına görə, qəza bu axşam Ərçivan-Şüvi yolunda qeydə alınıb.
Şüvi kənd sakini 59 yaşlı Vaqif Bahaddin oğlu Sadıqovun idarə etdiyi “Geely” markalı 90 NA 502 dövlət nömrə nişanlı minik avtomobili Astaranın Ərçivan kənd sakini 54 yaşlı Şıxəli İbrahim oğlu Əfzəlovun idarə etdiyi “VAZ-21099” markalı 10 DF 869 dövlət nömrə nişanlı minik avtomobili ilə toqquşub.
Qəza nəticəsində “VAZ-2109”-un sürücüsü Şıxəli İbrahim oğlu Əfzəlov aldığı xəsarətlərdən hadisə yerindəcə dünyasını dəyişib.
Faktla bağlı Astara RPŞ-də araşdırma aparılır.