ABŞ-ın Missouri əyalətinin St.Louis şəhərində polisin qara dərili bir gənci öldürməsi, şəhəri ayağa qaldırıb. Polislə qarşıdurmada 5 nəfər həbs edilib.
Simsar.az xəbər verir ki, St.Louisdə əsasən qaradərililərin yaşadığı məhlədə, 18 yaşlı Miçel Broun adlı gənc, polisin açdığı atəşlə ağır yaralanıb. Broun daha sonra vəfat edib. Polisin gənci niyə vurması açıqlanmayb. Hadisədən sonra FBR-in araşdırmasında Brounun bədənində çoxlu güllə yarası aşkarlanıb.
Qaradərililər ayağa qalxdı
Polis müdiri Tom Cekson məhəllədə yaşanan hadisələrdə çoxlu iş yerinin yağmalandığını, polisə atəş açıldığını və daş atıldığını, polisin gözyaşardıcı qazdan və plastik mərmidən istifadə etdiyini açıqlayıb.
5 nəfərin həbs edilməsində sonra, hadisə yerinə giriş-çıxış polisin nəzarətinə götürülüb.
Vüsal Qarayev