Dünya şöhrətli müğənni Riannanın Dünya Çempionatından sonra futbola olan marağının artdığının, hətta futbol klubu almaq niyyətində olduğunu bildirmişdik. Budur amerikalı pop ulduzunalmaq istədiyi klub bəlli olub. Rihanna Fransanın "Lans" klubunu azərbaycanlı oliqarx Hafiz Məmmədovdan satın almaq niyyətindədir.
Simsar.az xəbər verir ki, Fransız mətbuatının yaydığı məlumatda Riannaya klubu almaq təklifini dostu Didye Droqba məsləhət görüb.
Qeyd edək ki, Hafiz Məmmədov maddi sıxıntı içində olan klubun səhmlərinin böyük əksəriyyətini bu ilin fevral ayında alaraq "Lans"ın sahibi adını qazanıb. Komandanın güclülər dəstəsində çıxışını təmin edəcəyini və islahatların aparılacağını desə də ölkə futbol federasiyasına nəzərdə tutulan 19 milyon dolları köcürməkdən imtina edib. Komandanın 1-ci dəstədə qalması isə klub azərkeşllərinin narazılığına səbəb olub. Riannanın Tvitter səhəfəsində klubu almaqda maraqlı olduğu vurğulansa da cəlbedici təklifin nədən ibarət olduğu barədə bildirilmir.
Günel