“Dağlıq Qarabağ münaqişəsi müharibə yolu ilə nizamlana bilməz. Münaqişə yalnız danışıqlar yolu ilə həll olunmalıdır”
Simsar.az xəbər verir ki, bunu Ermənistan prezidenti Serj Sarkisyan "Armnyuz" TV- yə müsahibəsində deyib.
O bildirib ki, Ermənistan münaqişənin dinc yolla həll olunması üçün istənilən görüşdə iştirak etməyə hazırdır: “Rusiya prezidentinin uzun fasilədən sonra görüş təklifini erməni tərəfi dərhal müsbət cavablandırıb. Uzunmüddətli fasilələr Dağlıq Qarabağ münaqişəsinin nizamlanması üzrə danışıqlar prosesini ləngidir. Biz heç nəyi sıfırdan başlamamışıq, irəliləyiş və geriləmə - nisbi anlayışlardır”.
O həmçinin əlavə edib ki, biz münaqişinənin nizamlanmasını 2011-ci ildə hazırlanan Kazan sənədi əsasında aparırıq: “Kazan sənədi Madrid prinsiplərinə əsaslanır və üç əsas prinsip üzrə münaqişənin həllini nəzərdə tutur - millətlərin öz müqəddəratının təyin etmə, ərazi bütövlüyü və güc tətbiqinin yol verilməməsi” .
Hüseyn İbadlı