Sürəti saatda 162 km-ə çatan Halonq fırtınası dünən səhər Yaponiyanın şərqində öz təsirini göstərməyə başlayıb. Simsar.az xəbər verir ki, fırtına nəticəsində 1 nəfər ölüb, 72 nəfər isə yaralanıb. Çay yataqlarında yaşayan 1.1 milyon yapon evləri boşaldılıb. Metereologiya Təşkilatı güclü yağış və fırtınanın Şikoku adası və Hyoqo bölgəsində torpaq sürüşməsinə səbəb olduğunu açıqlayıb. İrəliləyən saatlarda təsirini itirməsi gözlənilən fırtına, 200-dən çox uçuşun təxirə salınmasına səbəb olub. Səlahiyyətli şəxslər vətəndaşları torpaq sürüşməsi və selə qarşı tədbirli olmaları haqqında xəbərdarlıq verib.
Günel