“Avropa Birliyi ölkələri, Peşmərgə üçün ağır silahlar, zirehli maşınlar və hərbi ləvazimatlar təmin etməkdə bizə kömək etməlidir”.
Simsar.az xəbər verir ki, bunu İraq Kürd Regional Hakimiyyətinin rəhbəri Məsut Bərzani deyib.
İŞİD bir dövlətdən də güclüdür
Fransa Xarici İşlər Naziri Laurent Fabius Bağdaddakı görüşlərindən sonra, Ərbilə gələrək Məsut Bərzani ilə görüşüb. Görüşdən sonra təşkil edilən ortaq mətbuat konfransında danışan Bərzani Kürdüstanın terrorist bir dövlətlə vuruşduğunu deyib: “Kürdüstan bölgəsi təkcə bir terror təşkilatıyla deyil, eyni zamanda terrorist bir dövlətlə müharibə edir”.
Bərzani, İŞİD-in əlində olan silahların bir dövlətin əlində olan silahlardan çox olduğunu vurğulayıb: “Bu terroristlərin əlində olan silah, Peşmərgənin əlində olan silahdan qat-qat çoxdur. Bunlar bir dövlət qədər güclüdürlər”.
Vüsal Qarayev