İndoneziyada güclü zəlzələ baş verib. Simsar.az-ın məlumatına görə, yeraltı təkanların gücü Rixter şkalası ilə 5,1 bal olub.
Milli meteorologiya, iqlimşünaslıq və coğrafiya idarəsindən verilən məlumata görə, zəlzələnin episentri Talaud arxipelaqından 74 km şimal-şərqdə yerləşib. Təkanlar Sulavesi dənizinin 129 km dərinliyində qeydə alınıb.
Hələlik dağıntı və təlafat barədə məlumat verilmir.
Qeyd edək ki, İndoneziya dünyanın ən seysmik zonasında yerləşir. 2009-cu ildə minlərlə insan Sumatrada baş verən zəlzələnin qurbanı olub. 2004-cü ildə isə güclü zəlzələdən sonra baş verən sunami 12 ölkədən yüzminlərlə insanın ölümünə səbəb olmuşdu.