Lənkəran Tarix-Diyarşünaslıq Muzeyinin bərpaya ehtiyacı olan eksponatları bərpa edilmək üçün Mədəniyyət və Turizm Nazirliyinin Muzey Sərvətləri və Xatirə Əşyalarının Elmi Bərpa Mərkəzinə göndərilib.
Göndərilən eksponatların bir qismi mərkəz tərəfindən bərpa olunaraq muzeyə gətirilib.
Simsar.az xəbər verir ki, Lənkəran Tarix-Diyarşünaslıq Muzeyində əsaslı təmir və bərpa işləri aparıldığına görə avqustun 8-də muzeyin bərpa olunmuş 30 adda eksponatının rayon mərkəzi kitabxanasında səyyar sərgisi keçirilib.
Muzeyin baş fond mühafizəçisi Xalid Məmmədov bərpa olunmuş eksponatlar haqqında iştirakçılara ətraflı məlumat verib. Bildirilib ki, belə sərgilər növbəti aylarda da təşkil ediləcək.
Günel