Sabahdan paytaxt Bakıda külək zəifləyəcək, temperatur bir qədər də yüksələcək.
Ekologiya və Təbii Sərvətlər Nazirliyinin Milli Hidrometeorologiya Proqnozlar Bürosunun direktor müavini Gülşad Məmmədovanın Simsar.az-a erdiyi məlumata görə, avqustun 9-da Bakıda və Abşeron yarımadasında havanın dəyişkən buludlu olacağı, gün ərzində əsasən yağmursuz keçəcəyi gözlənilir. Şimal-qərb küləyi əsəcək.
Havanın temperaturu gecə 23-27, gündüz 32-37 dərəcə isti olacaq.
Avqustun 10-11-də isə axşam saatlarında şimal-qərb küləyinin yenidən güclənəcəyi gözlənilir.
Azərbaycanın rayonlarında sabah əsasən yağmursuz hava şəraiti müşahidə olunacaq. Qərb küləyi ayrı-ayrı yerlərdə arabir güclənəcək. Aran rayonlarında havanın temperaturu gecə 21-26, gündüz 35-40, dağlarda gecə 12-17, gündüz 25-30 dərəcə isti olacaq.
Ayın 10-da və 11-də gecə yağış yağacaq proqnozlaşdırılır.