Hindistanda moda fotolarının çəkilişi zamanı modellərin avtobusda oğlanlar tərəfindən dairəyə alındığını göstərən fotolar, hindlilərin qəzəbinə səbəb olub. Simsar.az xəbər verir ki, hindlilər şəkillərin bir neçə il əvvəl Dehlidə avtobusda yaşanmış təcavüzün yaxşı bir şey kimi tədim edilməsindən narahatdırlar.
Xatırladaq ki, 2012-ci ildə Dehlidə 23 yaşlı tələbə qız kinodan qayıdarkən avtobusda təcavüzə uğramış və xəstəxanada ölmüşdü. Fotoqraf Rac Şetyenin çəkdiyi kadrlarda qadın modellərin kişi modellər tərəfindən narahat edildiyi görünür və ölkəni sarsıdan həmin hadisəni xatırladır. Şetye fotoları çəkməkdə məqsədinin ölkəsindəki qadınların halını işqılandırmaq olduğunu və fotoların təcavüz hadisələrinə işarə etmədiyini deyib. Rac şəkillərin ticarət məqsədli olmadığını da diqqətə çatdırıb. Bir çox sosial media istifadəçiləri isə fotoları “iyrənc”, “qorxunc” olaraq şərh ediblər. Musiqi direktoru Vişal Dadlani tvitter hesabında “Ümid edirəm ki, buna görə hər kəs utancından ölər” deyə status yazıb və fotolarla əlaqəsi olanların həbs olunmalarını istəyib.
Günel