Forbes jurnalının hazırladığı “Hollivoodun ən çox qazanan aktrisaları” siyahısının ilk sırasında 51 milyon dollarlıq qazancı ilə Sandra Bullock yer alıb. Simsar.az xəbər verir ki “Kor nöqtə” adlı filmlə 2010- cu ildə Akademiya mükafatlarında ən yaxşı aktrisa kimi Oskar mükafatı alan Bullock bu il “Cazibə” filmi ilə də ən yaxşı aktrisa kimi Oskara namizəd gösərilib. 50 yaşlı Sandra Bullocku “x-Men: First Class” və “Aclıq oyunları” filmlərində oynadığı rolu ilə gözə çarpan Oskar mükafatlı amerikalı aktrisa Ceniffer Vavrence izləyib. 23 yaşlı Lavrencenin gəlirinin 34 milyon dollar olduğu təxmin edilib. Siyahıda üçüncü yeri isə 32 milyon dollarlıq gəliri ilə Cenifer Aniston tutub. Forbesə görə aktrisalar uğurlarına baxmayaraq, aktyorlardan daha az gəlir əldə edirlər. Ən çox qazanan aktrisaların gəlirlərinin cəmi təxminən 226 milyon dollar olarkən, bu rəqəm aktyorlarda 416 milyon dollara çatıb.
Günel