“Dağlıq Qarabağ münaqişəsinin həlli ilə bağlı keçirilən görüşlərin dayandırılması üçün prezident İlham Əliyevə müraciət göndərmişik”.
Bunu Simsar.az-a Qarabağ Azadlıq Təşkilatının (QAT) sədri Akif Nağı deyib.
O bildirib ki, son günlər Azərbaycan-Ermənistan qoşunlarının təmas xəttində baş verən hadisələrlə əlaqədar keçmiş döyüşçülərlə görüş keçiriblər: “Prezidentə müraciət göndərdik ki, görüşləri dayandırsın. Çünki heç bir mənası olmayacaq. Ermənilər danışıqlar yolu ilə hər hansı bir nəticəyə gələn deyillər. Baş verən son hadisələr bunu təsdiq edir. Hazırlaşıb, müharibəyə getməliyik. Yalandan görüşməyin mənası yoxdur. Hesab edirik ki, prezident görüşdən imtina etməlidir. Özü də bu qədər qan tökülüb, girovları qaytarmırlar, meytləri qaytarmırlar. Belə bir şəraitdə terrorçu prezidentlə görüşməyin heç bir mənası olmayacaq.
İki postun alınması ilə bağlı yayılan xəbərlərə münasibət bildirən QAT sədri söyləyib ki, internetdə müxtəlif məlumatlar yayırlar. Bu insanları qınamıram, ürəklərindən keçir ki, torpaqlarımız azad olunsun: “Ona görə də belə xəbərləri qələmə alırlar. Hesab edirəm ki, rəsmi məlumat olmayınca, inanmaq lazım deyil”.
“Mənim müşahidələrimə görə, bu dəfə də olmasa, ikinci, üçüncü dəfədən sonra müharibə alovlanacaq. Bizim istədiyimiz budur: “Mən bu proqnozu verirəm. İnşallah, müharibəyə doğru gedirik” – Akif Nağı belə deyib.
Hüseyn İbadlı
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
