Dövlət Neft Şirkəti iyul ayında 8993 metr qazma işi həyata keçirib
Azərbaycan Respublikası Dövlət Neft Şirkəti (ARDNŞ) bu ilin iyul ayında həyata keçirilmiş qazma işlərinin statistikasını açıqlayıb.
Simsar.AZ ARDNŞ-ə istinadən bildirir ki, 2014-cü ilin iyul ayı ərzində Azərbaycan Respublikası Dövlət Neft Şirkəti (Müştərək Müəssisələr və Əməliyyat Şirkətləri istisna olmaqla) 8993 metr qazma işi həyata keçirib.
Bu sahədə görülmüş işlərin hamısı istismara aid olub.
Ümumiyyətlə, 2014-cü ilin yanvar-iyul aylarında ARDNŞ üzrə (Müştərək Müəssisələr və Əməliyyat Şirkətləri istisna olmaqla) 81123 metr qazma işi görülüb ki, bunun da 79495 metri istismara, 1628 metri isə kəşfiyyata aid olub.