Azərbaycan prezidenti İlham Əliyev Çin Xalq Respublikasının sədri Si Cinpinə başsağlığı verib.
Simsar.az-ın məlumatına görə, ölkə başçısı Si Cinpinə ünvanladığı məktubda Çində baş verən zəlzələ ilə bağlı kədərləndiyini qeyd edib:
"Ölkənizin cənub-qərbində baş vermiş zəlzələ nəticəsində çoxsaylı insan tələfatı və dağıntılar barədə xəbər məni olduqca kədərləndirdi.
Bu faciə ilə əlaqədar sizə, həlak olanların ailələrinə və yaxınlarına, bütün Çin xalqına şəxsən öz adımdan və Azərbaycan xalqı adından dərin hüznlə başsağlığı verir, yaralananlara və xəsarət alanlara şəfa diləyir, təbii fəlakətin nəticələrinin tezliklə aradan qaldırılmasını arzulayıram".