Ermənistanda elektrik enerjisi qiymətlərinin avqustun 1-dən 15% qaldırılması ölkədə əsl xaos yaradıb. Sosial xidmətlərin tənzimlənməsi üzrə komissiyasının açıqlamasına görə, elektrik enerjisinin bahalaşması daxildəki enerji şirkətlərinin maliyyə çətinlikləri ilə əlaqədardır. Komissiyanın məlumatına görə, enerji sistemində 20 milyard dram, yaxud 48 milyon dollar həcmində maliyyə çatışmazlığı yaranıb.
Ötən il ərzində elektrik enerjisinin qiymətləri ayrı-ayrı vaxtlarda artırılıb. Əhalinin müxtəlif etiraz aksiyaları heç bir nəticə verməyib.
Məsələ burasındadır ki, elektrik enerjisinin bahalaşması ərzaq məhsullarının da qiymətlərinin artmasına gətirib çıxarıb. Nəticədə, adamların sosial-maddi durumu bir qədər də pisləşir. Budəfəki qiymət artımının da bir sıra məhsulların, o cümlədən, çörəyin bahalaşmasına səbəb olacağı bəllidir.
İllərdir ki, Ermənistanda qazın və elektrik enerjisinin qiymətlərinin artımı davam edir. Bu isə ölkənin kifayət qədər zəif və kövrək iqtisadiyyatını sarsıdaraq, demək olar ki, bütün digər məhsulların bahalaşmasına səbəb olur. Nəticədə, əhalisinin böyük bir hissəsinin yoxsul olduğu Ermənistanda sosial vəziyyət son dözüm həddinə çatıb.
Bahalaşma ilə yanaşı, işsizliyin artması problemi də kəskin şəkil alır. Milli statistika xidmətinin məlumatına görə, bu ilin birinci rübündə ötən ilin eyni dövrü ilə müqayisədə işsizliyin səviyyəsi 0,9% artaraq 17,8%-ə çatıb. Şəhərlərdə isə işsizliyin səviyyəsi 25,4% təşkil edir.
Artıq aydın sezilir ki, ölkəni düzgün idarə edə bilməyən, insanlara sabit güzaran yaratmağı bacarmayan Serj Sarkisyanın başçılıq etdiyi hərbi xunta bütün sosial ağırlığı əhalinin üzərinə yıxmaqla indiki çətin iqtisadi durumda müharibə təhrikləri ilə ermənistanlıların haqlı narazılıqlarını boğur. İstər Qarabağ bölgəsində, istərsə də iki dövlətin sərhəddində yaranmış gərginliyin bir səbəbi də budur.
Bakupost.az
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
